Klubi Veror ’26 – Verë e mbushur me njohuri, përvojë dhe mundësi të reja

Projekti

28.09.2026

Vera në Zegin edhe këtë vit iu kushtua të rinjve, potencialit të tyre dhe hapave të parë profesionalë.

Të rinjtë farmacistë dhe teknikë farmaceutikë patën mundësinë të bëhen pjesë e një përvoje praktike ndryshe – Klubi Veror ’26, një program i krijuar për fitimin e përvojës praktike, zhvillimin e aftësive dhe njohjen me punën reale profesionale.

Pas një gjenerate të parë të suksesshme, këtë vit Klubi Veror vazhdoi me një numër edhe më të madh aktivitetesh, përmbajtje të reja dhe mundësi për të mësuar dhe zhvilluar.

Gjatë ditëve të verës, praktikantët tanë patën mundësinë të njihen me punën e përditshme në Zegin, të fitojnë njohuri dhe aftësi praktike, si dhe të mësojnë nga profesionistë dhe mentorë me përvojë. Përmes përfshirjes së drejtpërdrejtë në proceset e punës, ata patën mundësinë të lidhin njohuritë teorike me situata dhe sfida reale.

Por, Klubi Veror ’26 nuk ishte vetëm praktikë – programi përfshiu edhe aktivitete të dedikuara për zhvillimin personal dhe profesional: trajnime për aftësi të buta, punëtori, aktivitete interaktive, ndarje përvojash dhe shoqërim.

Theks i veçantë iu kushtua zhvillimit të aftësive të komunikimit dhe punës në ekip, marrjes së iniciativës, përgjegjësisë, organizimit dhe vetëbesimit – kompetenca të rëndësishme për çdo të ri që hedh hapat e parë drejt botës profesionale.

Klubi Veror ’26 është investimi ynë në të rinjtë dhe në potencialin e tyre.

Jemi krenarë për çdo pjesëmarrës që këtë verë bëri një hap përpara, u përball me sfida të reja, fitoi njohuri të reja dhe krijoi miqësi të reja.

Deri verën e ardhshme – vazhdojmë të rritemi, të mësojmë dhe të krijojmë mundësi të reja për të rinjtë. 💙