Сектор: Малопродажба

„И оваа година, по втор пат, ја добив оваа прекрасна награда и навистина ми беше чест што повторно имав можност да бидам дел од едно вакво искуство. Јас, како и голем дел од колегите, ја одбрав Тоскана – место што инспирира со својата убавина, мир и уметност на живеење. Патувањето ни донесе незаборавни моменти, нови пријателства, дружење, размена на искуства и многу мотивација за понатаму. Голема благодарност до компанијата за довербата и поддршката. Ваквите признанија се вистински поттик да продолжиме со посветеност, ентузијазам и верба во тоа што го работиме.”

Благодарение на обуката организирана од компанијата Зегин имав можност да ги надополнам моите знаења и искуства преку предавања во тренинг центарот и онбординг програмата која беше целосно пренесена преку дигитализирана платформа Сфера. Овој процес ми овозможи да се чувствувам посигурно и помотивирано во секојдневната работа во аптека. Искрено сум благодарна за укажаната можност и за стекнатото знаење, кое ќе ми биде од голема корист во понатамошниот професионален развој.

Големо задоволство ми беше да учествувам на обуката организирана од компанијата Зегин. Овој onboarding процес ми овозможи да ги продлабочам своите знаења за производите, што ќе ми помогне да остварам појасна, поедноставна и професионална комуникација со купувачите. Особено го ценам практичниот пристап на обуката, како и обуката преку дигиталната платформа „Сфера” која го направи учењето не само лесно, туку и многу интересно и мотивирачко.