Zegin dhe Fondacioni Dr. Verica Mehanzhiska dhurojnë pajisje për ISH Institutin për Mjekësi Fizikale dhe Rehabilitim.

Postim

Zegin dhe Fondacioni Dr. Verica Mehanzhiska me një donacion tjetër. Kësaj radhe bëhet fjalë për tavolina multifunksionale për ushtrime të duarve, të destinuara për Institutin për Mjekësi Fizikale dhe Rehabilitim – një institucion i përkushtuar për përmirësimin e cilësisë së jetës së pacientëve që kanë nevojë për rehabilitim fizik dhe shërbime për rikuperim afatgjatë. Qëllimi i këtyre tavolinave është të përmirësohet amplituda e lëvizjeve të nyjeve të duarve, forca dhe qëndrueshmëria muskulore, funksioni i dorës dhe koordinimi dorë-sy; gjithashtu mund të përmirësohet në mënyrë efikase proprioceptimi i dorës dhe të promovohet ndërveprimi mes grupeve të ndryshme muskulore të dorës.

Pajisjet e dhuruara janë të orientuara drejt përmirësimit të komfortit, sigurisë dhe rezultateve të trajtimit të pacientëve. Ky kontribut do t’i ndihmojë drejtpërdrejt përpjekjet e qendrës që të zgjerojë kapacitetet dhe të sigurojë kujdes të përmirësuar për personat që i nënshtrohen rehabilitimit. Pajisjet kanë një gamë të gjerë përdorimi, si në rehabilitim neurologjik, rehabilitim ortopedik, rehabilitim pediatrik, rehabilitim për persona me aftësi të kufizuara, rehabilitim geriatrik, rehabilitim në mjekësinë sportive, rehabilitim mendor etj. Të parët që patën mundësi t’i përdorin këto tavolina multifunksionale ishin disa nga personat e lënduar në zjarrin në Koçan.

“Ne jemi të përkushtuar në mbështetjen e institucioneve shëndetësore që ofrojnë shërbime që ndryshojnë jetë në komunitetin tonë. Me këtë donacion të dedikuar për Institutin për Mjekësi Fizikale dhe Rehabilitim shpresojmë se do të kontribuojmë në misionin e tyre dhe do të ndihmojmë më shumë pacientë të marrin kujdes cilësor”, theksoi Branka Xhajkovska nga Fondacioni Dr. Verica Mehanzhiska.

Drejtori i Institutit për Mjekësi Fizikale dhe Rehabilitim, Dr. Zllate Mehmedoviq, shprehu mirënjohje për donacionin, duke theksuar ndikimin që ai do të ketë si te pacientët ashtu edhe te personeli mjekësor. Dr. Mehmedoviq gjithashtu potencoi se kjo institucion trajton 20 000 pacientë në vit, ndërsa numri real i pacientëve që kanë nevojë për shërbimet e tyre është shumë më i madh. Falë donacioneve të këtij lloji, një numër më i madh pacientësh do të kenë mundësi ta marrin ndihmën e nevojshme më shpejt dhe më efikas.”

U theksua edhe rëndësia e përgjegjësisë shoqërore të kompanive dhe ndikimi që ajo ka në zhvillimin e sistemit shëndetësor.

Kjo iniciativë pasqyron përkushtimin e vazhdueshëm të Zegin për forcimin e infrastrukturës shëndetësore dhe mbështetjen e pandërprerë të komunitetit.