Етички пристап
Етички пристап кон работењето преку етичките норми и вредности се дел од нашето секојдневно работење. Се базираат на чесност, доверба, лојалност и интегритет и се одраз на нашата корпоративна култура. Вербата во нашите вредности е втемелена во работењето со нашите пациенти, партнери, вработени и во нашето функционирање на пазарот, а во исто време обезбедуваат дух на фер пристап со конкуренцијата.
Општествена корпоративна одговорност
Oдговорност преку одржливо одговорен бизнис и корпоративно саморегулирање интегриранo во бизнис модел. Со поставениот регулирачки механизам се следат усогласеноста со законските прописи, етичките стандарди и меѓународните норми. Одговорни сме за нашите акции и поттикнуваме позитивно влијание преку активности во животната средина, со потрошувачите, вработените, заедниците и сите други членови на општествената сфера.
Почитување на законите и регулативите
Преку своето работење како активен чинител на квалитетот на здравствениот развој, се обврзуваме да ги исполниме и почитуваме сите релевантни закони и регулативи кои важат на ниво на Република Северна Македонија. Преку транспарентност во своето работење соработуваме со сите релевантни тела и институции, со цел да се надгледуваат преземените акции.
Мисија
Преку иновативни пристапи, инвестирање во технолошки и дигитален развој, како и
континуирана едукација и грижа за вработените, ги инспирираме поединците и
заедницата кон благосостојба и здравје. На тој начин создаваме одржлив и сигурен
систем за грижа, доверба и репутација, раскажувајќи повеќедецениска приказна.
Наша мисија е да инспирираме и поттикнеме создавање на подобрo себе, со енергија
што досегнува до ѕвездите, знаејќи дека и Месечината е доволно високо.
Визија
Ние сме регионални лидери во фармацевтската индустрија, предводиме со иновативност, динамика и конструктивен пристап. Сплотени и обединети во тимска работа, користејќи тимска резонантност се стремиме кон зрело лидерство. Преку инспиративна визија, иновации и поддршка на клиентите, нудиме најнови производи, развој, еколошка свесност и одржливи вредности за заедницата, создавајќи успех и грижа за ранливите категории
Постоиме со генерации за нашите пациенти преку:
- Oбезбедување професионална грижа за здравјето;
- Даваме поддршка преку подобрување на стандардите во рамките на здравствениот систем;
- Доставување стандард и транспарентност во работната етика;
- Развиваме и иновираме преку трендовите во фармацијата со што сме и остануваме лидери на пазарот преку квалитетот на нашите производи;
- Континуирано го подобруваме работењето преку одржлив систем на развој и иновативни решенија;
Историја
Зегин ДОО е прва приватна компанија регистрирана за продажба на лекови во Република Северна Македонија.
На иницијатива на г-дин Благој Механџиски, компанијата е основана во 1989 година.
ЗЕГИН започнува со само еден вработен. Денес, бројот на вработени е над 1300.
Во своите 35 години работа, ЗЕГИН ДОО постојано покажува одлични резултати и има континуиран развој. Денес таа е една од најуспешните компании во Република Северна Македонија и покрива 60% од фармацевтскиот пазар. Како резултат на својата успешна работа, во 2004 година ЗЕГИН ДОО го спроведува стандардот ISO 9001:2015, 14001:2015. ISO сертификат.
Успехот на компанијата се должи на доброто управување, стратегијата за развој врз основа на најсовремени светски достигнувања во оваа област, како и користењето на најмодерните компјутерски системи и соодветни компјутерски програми кои ги покриваат сите работни активности.
Општествена одговорност
- Почитување на животната средина: усвојувањето и имплементацијата на конкретни проекти за заштита на животната средина се составни делови на одговорното корпоративно однесување;
- Придонес кон уметностите, културата и образованието: Преку зајакнување и унапредување на културните вредности и дејности во областа на уметноста и образованието во земјата, активно придонесуваме за подобрување на квалитетот преку вклучување во различни образовни програми поддржани од државата;
- Даваме придонес за општеството преку фондацијата Д-р Верица Механџиска, активно поддржуваме, донираме и влијаеме врз општествениот живот.
Менаџмент тим
Викторија Механџиска
Христина Механџиска
Елизабета Чингаровска
Африм Ахмеди
Харис Омеровиќ
Зорица Велкоска
Томи Кепевски
Фондација Д-р Верица Механџиска
Хуманоста како гранка е карактеристична за компанијата Зегин уште од самите почетоци која продолжува да расте и да се развива.
Резултат на сето тоа е основање на Фондацијата Д-р Верица Механџиска која продолжува и понатаму со хуманата мисија да помага онаму каде што е најпотребно, следејќи ги чекорите и визијата, добрината и хуманоста кои самата Д-р Верица Механџиска ги поседуваше.
Ортопедија
Групацијата ЗЕГИН изминативе години посветено работи на уште еден препознатлив бренд – ЗЕГИН ОРТОПЕДИК. Нашата цел е да го олесниме живеењето на пациентите и бидеме нивна поддршка низ животот, преку обезбедување широка палета на ортопедски помагала и сумплементи со висок квалитет и најдостапни цени на пазарот.
Во нашиот програм за ортопедски помагала располагаме со богат избор на ортози за ‘рбет, горни и долни екстремитети, влошки, антидекубитален и компресивен програм, високоперформантни анатомски пелени за инконтиненција, како и алуминиумски инвалидски колички, лесно склопливи и погодни за транспорт на товар на ФЗОРСМ со кој имаме склучено договор.
Зегин Ортопедик локации: Скопје (ул. „Кочо Рацин” бр. 75) и Тетово (ул. „Маршал Тито”, Трговски центар – Базар, локал бр.27)
Види повеќе
Поликлиника - зегин медика
ПЗУ Поликлиника Зегин Медика и Зегин Интермедика.
Здравствена установа која обезбедува целосни здравствени прегледи и специјалистички здравствени услуги за сите оние кои сакаат професионалност, удобност, ефикасност и дискретност!
Нашата поликлиника се наоѓа на бул. Партизански Одреди 25/1 што значи лесен и брз пристап, а во исто време и безбеден пат до медицински професионален тим. Поликлиниката Зегин Медика има долга историја на здравствена дејност која започнува во 1998 година, со извонреден континуитет и квалитет на здравствена заштита, благодарение на Д-р Верица Механџиска, тогашен специјалист по медицина на труд, директор и доктор во поликлиниката.
Види повеќе
Online Аптека
Зегин Онлајн е интернет продавница во рамките на групацијата Зегин. Својот почеток го бележи во август 2021 година. Од тогаш секој месец бројот на задоволни клиенти рапидно се зголемува.
Главна карактеристика по која се разликува од останатите веб продавници е точна и навремена достава и тоа истиот ден, во термин кој клиентите сами си го одбираат. Секако постои можност и за закажување на термин за достава после неколку дена, по барање на клиентите. Нарачките се секогаш уредно спакувани и доставени до влезната врата на домот. Испораката се врши секој ден, освен на државни празници и неработни денови.
На првите E-commerce Awards 2021, Зегин го освои првото место во категоријата „Најпопуларна е-продавница”.
Види повеќе
Аптека
Зегин Фарм успешно функционира повеќе од три децении благодарение на доброто управување и стратегија за развој која се базира на најсовремените светски достигнувања.
Основната дејност се состои од продажба на лекови, медицински помагала, додатоци во исхрана, козметика, органска храна.
Затоа и заслужено го носиме епитетот “Фармацевтски бисер на Македонија”.
Види повеќе